24 04 2024
|
||
---|---|---|
EUR | ⚊ | 415.63 |
GBP | ⚊ | 481.74 |
GEL | ⚊ | 145.81 |
RUB | ⚊ | 4.18 |
USD | ⚊ | 390.04 |
Ռուսաստանի Դաշնության արտաքին գործերի նախարարությունն իր լուրջ մտահոգությունն է հայտնել Լեռնային Ղարաբաղի հակամարտության գոտում լարվածության սրման կապակցությամբ։
«Վերջին մի քանի օրերի ընթացքում տեղի են ունեցել հրադադարի ռեժիմի կրկնակի խախտումներ։ Մարտի 5-ին տեղի է ունեցել զինված միջադեպ, որի հետևանքով մարդկային զոհեր են եղել և՛ հայկական, և՛ ադրբեջանական կողմից։ Կոչ ենք անում կողմերին ցուցաբերել զսպվածություն և քայլեր ձեռնարկել վերացնելու ուղղությամբ»,- ասվել է ՌԴ ԱԳՆ խոսնակ Մարիա Զարախովայի՝ կայքում հրապարակված մեկնաբանության մեջ։
ՌԴ ԱԳՆ-ն նաև հայտարարել է, որ Ռուսաստանի խաղաղապահ առաքելության պատասխանատվության գոտում անվտանգության և կյանքի ապահովման հետ կապված ցանկացած հարց պետք է լուծվի խաղաղ ճանապարհով։
«Միջադեպը ևս մեկ անգամ հաստատում է Բաքվի և Երևանի բանակցություններին շուտափույթ վերադարձի հրամայականը՝ Ռուսաստանի, Ադրբեջանի և Հայաստանի ղեկավարների 2020 թվականի նոյեմբերի 9-ի, հունվարի 11-ի և նոյեմբերի եռակողմ հայտարարությունների դրույթների կատարման շրջանակներում»,- ասված է հաղորդագրությունում։