Ստորագրահավաք` ոճրագործին տուն վերադարձնելու համար

Թուրքիայում ստորագրահավաք է սկսվել Բուդապեշտում հայ սպա Գուրգեն Մարգարյանին քնած ժամանակ կացնահարած Ռամիլ Սաֆարովին հայրենիք վերադարձնելու համար: Նա ցմահ բանտարկության է ենթարկվել հունգարական դատարանի որոշմամբ:

Ինչպես տեղեկացնում են ադրբեջանական լրատվամիջոցները, ստորագրահավաքն իրականացնում է Իգդիրի Հայկական չհիմնավորված հավակնությունների դեմ պայքարի ընկերակցությունը, որի հայտարարության մեջ նշվում է, որ Սաֆարովը նման դաժան պատժի է արժանացել այն բանի համար, որի կարողացել այլեւս տանել հայ սպայի վիրավորանքներն ու սադրանքները: Այդ իսկ պատճառով նրանք համարում են, որ Հունգարիան` որպես չեզոք եւ օրենքի գերակայությունը ճանաչող երկիր, պետք է ադրբեջանցու էքստրադիացիայի մասին որոշում կայացնի:

Ընկերակցությունը մտադիր է ստորագրահավաք անցկացնել Թուրքիայի բոլոր քաղաքներում եւ այդ հարցը մշտապես պահել ԶԼՄ-ների ուշադրության կենտրոնում: