Ինքնաբացարկ են հայտնել

Ղարաբաղում կայանալիք ՏԻՄ ընտրությունների նախընտրական քարոզարշավը շարունակվում է, իհարկե, նրանց համար, ովքեր դեռեւս ինքնաբացարկ չեն հայտնել։

Ինչպես մեզ տեղեկացրեցին ԼՂՀ ԿԸՀ-ում, ինքնաբացարկ է հայտնել  համայնքի ղեկավարի գրանցված 219 թեկնածուներից 7-ը՝ Մարտակերտի, Քաշաթաղի եւ Շահումյանի շրջաններում, իսկ ավագանու անդամի գրանցված 1220 թեկնածուներից՝  5-ը, 2-ը՝ Ստեփանակերտում, 2-ը՝ Հադրութի, 1-ը՝ Շուշիի շրջաններում։

ԿԸՀ-ում շարունակվում է դիտորդների եւ լրագրողների հավատարմագրումը: Այսօրվա դրությամբ` հավատարմագրվել է 11 տեղական դիտորդ՝ «Ռուսաստանի հայերի միություն» հասարակական կազմակերպության ԼՂՀ մասնաճյուղից։ Հավատարմագրված լրագրողները 27-ն են, ովքեր ներկայացնում են «Երկիր»-ը, «Ստեփանակերտ»-ը, Արցախի հանրային հեռուստատեսությունը, «Ազատ Արցախ»-ը, Кавказский узел-ը: