ՀԱՅՈՑ ԱՇԽԱՐՀ. Անհիմն պնդումներ

Կենտրոնական ընտրական հանձնաժողովի նախագահ Գարեգին Ազարյանը անհիմն է համարում Wikileaks կայքում հրապարակված պնդումները, թե 2008-ի նախագահական ընտրություններում պետք է անցկացվեր երկրորդ փուլ։ ԱՄՆ պետդեպարտամենտին ուղղված դիվանագիտական հեռագրում նման պնդում էր արել Երեւանում Միացյալ Նահանգների գործերի նախկին հավատարմատար Ջոզեֆ Փենինգտոնը, որի գնահատմամբ) ընդդիմադիր թեկնածու Լեւոն Տեր-Պետրոսյանի ստացած քվեների քանակը անհամեմատ ավելի բարձր է եղել պաշտոնական 21.5 տոկոսից։

«Նրա՞նք են կազմավորել տեղամասերը, նրա՞նք են հաշվել քվեաթերթիկները, նրա՞նք են հաշվել կողմ ձայները, նրա՞նք են ամփոփել ընտրության արդյունքները, որ նման հայտարարություններ են անում»,- հարցնում է ԿԸՀ նախագահը։