Ընդդիմության առաջնորդին մեղադրում են համասեռամոլության մեջ

Մալայզիայում դատարանի առջեւ է կանգնել ընդդիմության առաջնորդ Անվար Իբրահիմը, որին դեռեւս երեք տարի առաջ մեղադրում էին իր 25-ամյա օգնականի հետ ինտիմ կապ ունենալու մեջ. հաղորդում է BBC-ն:

Կուալա Լումպուրում տեղի ունեցած դատական նիստի ժամանակ ելույթ ունենալով` քաղաքական գործիչը հերքել է բոլոր մեղադրանքները եւ իր դեմ դատական գործն անվանել է իր հեղինակությունը ոտնահարելու «ստոր եւ հուսահատ» փորձ:

Եթե նրան մեղավոր ճանաչեն, ապա կդատապարտվի մինչեւ 20 տարվա ազատազրկման:

Անվարի դեմ գործը հարուցվել է բառացիորեն մի քանի ամիս անց այն բանից հետո, երբ նրա ընդդիմադիր շարժումը աննախադեպ մեծ թվով ձայներ ստացավ 2008 թվականի խորհրդարանական ընտրություններում: