Վաճառվում է հարսնացու. գինը սակարկելի

21-րդ դարի ժամանակակից պետություններից հետ մնալ չցանկացող եւ իրեն բավական ազատ համարող Թուրքիայում հարսնացու են վաճառում, իսկ գնի համար, բնականաբար, սակարկում են: 12-15 տարեկան աղջիկներին 600-3000 դոլարով վաճառում են տարիքով մեծ եւ իրենց կանանց կորցրած տղամարդկանց. տեղեկացնում է թուրքական «Ջումհուրիեթ» թերթը:

Թուրքիայի հարավարեւելյան աղքատ շրջաններում աղջիկները օրերով հերթ են կանգնում` մինչեւ իրենց որեւէ մեկը կընտրի, իսկ աղջիկը փեսացուին չհավանելու իրավունք չունի: Թերթի փոխանցմամբ` փեսացուն հերթի միջից մանկահասակ աղջկան ընտրելուց հետո վճարում է գումարը, որից անմիջապես հետո էլ տանում իր տուն` առանց խնամախոսության գնալու: Հարսնացուի գինը նախապես սահմանում է ինքը` աղջնակը, որից հետո միջնորդն իր աշխատելիք գումարն է գնի վրա ավելացնում, սակայն փեսացուն կարող է սակարկել, եթե հարսնացուի գինն իր կարծիքով այնքան էլ չի համապատասխանում վերջինիս տեսքին:

Կարծում ենք` Թուրքիան Եվրամիությանն անպայման կանդամակցի, պարզապես անհրաժեշտ է մի քիչ իջեցնել հարսնացուների գները` հանուն ժողովրդավարության: