Մեկնարկեց ՀԱԿ-Իշխանություն երկխոսության 3-րդ փուլը /լրացված/

Քիչ առաջ կառավարության ընդունելությունների տանը սկսվեց ՀԱԿ-Իշխանություն երկխոսության երրորդ հանդիպումը, որն ինչպես նախորդ հանդիպումների նման ընթանում է փակ դռների ետևում: Լրագրողներին հնարավորություն տրվեց միայն երկու րոպե գտնվել հանդիպման սրահում` նկարահանումներ կատարելու համար: Բանակցող կողմերից և ոչ ոք չշփվեց լրագրողների հետ: Բոլորը ժպտում էին, այս կերպ փորձելով ցույց տալ որ բարեկիրթ են լրագրողների հանդեպ : Ըստերևույթին  հանձնարարված է առայժմ ժպտալ.....ինչպես ընդունված է  Իսրաելա-պաղեստինյան բանակցությունների ժամանակ:

Լրացում14:45  Քիչ առաջ ավարտվեց ՀԱԿ-իշխանություն հերթական երրորդ հանդիպումը: Այսօրվա հանդիպման ընթացքում որոշվել է, որ այսուհետ հանդիպեն շաբաթական  երկու անգամ՝ երեքշաբթի և ուրբաթ օրերին, ժամը 12-ին:

Երեքշաբթի օրը քննարկվելու է արտահերթ ընտրությունների անցկացման վերաբերյալ Կոնգրեսի առաջարկը։