Սպասված տոնը` այս կիրակի

Առաքելական եկեղեցին ունի 6 տաղավար տոն, որոնցից մեկն էլ Քրիստոսի պայծառակերպության օրն է: «Միայն Հայ Առաքելական եկեղեցին է տոնն այդպես կոչում, այլ եկեղեցիներ այն կոչում են այլակերպության օր»,- այսօր լրագրողներին հայտնեց Տեր Բաբկեն քահանա Հայրապետյանը:

Նա տեղեկացրեց, որ հեթանոսական շրջանում տոնը կոչել են Վարդավառ, իսկ ժողովուրդն այն կապում է Նոյի հետ, այսինքն` ջրհեղեղի, որից հետո մարդիկ մաքրագործվեցին:

«Մեզ համար իրար վրա ջուր ցողելը զուտ հայկական էթնոսին պատկանող ծեսերից է: Ինչ վերաբերում է հանգամանքին, որ տարբեր մարզերում տարբեր օրեր են նշում ջրոցին, կապված է ոչ թե մարդկանց տգիտության, այլ իրենց «ներքին» ավանդության հետ»,- ասաց Բաբկեն քահանան: