Լուսանկարային վահանակ` Արցախի ու արցախցիների մասին

ԼՂՀ հռչակման 20-րդ տարեդարձի կապակցությամբ արտաքին գործերի նախարարության շենքում բացվել է լուսանկարային վահանակ` նվիրված Ղարաբաղյան ազգային-ազատագրական շարժման արդի փուլին:

Ինչպես տեղեկացնում է արտգործնախարարության մամուլի ծառայությունը, ներկայացված են Արցախի Հանրապետության պետականության խորհրդանիշները, քարտեզը, համառոտ տեղեկատվություն ԼՂՀ վերաբերյալ, լուսանկարային նյութեր, որոնք պատմում են Ղարաբաղյան շարժման, ի պատասխան արցախցիների խաղաղ պահանջների` Ադրբեջանի կողմից սանձազերծված պատերազմի, ադրբեջանա-ղարաբաղյան հակամարտության կարգավորման բանակցային գործընթացի, երկրամասի բնության եւ տեսարժան վայրերի, հետպատերազմյան կյանքի եւ վերաշինության գործընթացի, կյանքի տարբեր ոլորտներում Արցախի ժողովրդի ձեռքբերումների մասին եւ այլն:

Զբոսաշրջիկների համար նախատեսված հատուկ անկյունում զետեղված է տեղեկատվություն` հանրապետության տարածք մուտքի եւ ելքի կարգի, հյուրանոցների մասին, ինչպես նաեւ այլ օգտակար տեղեկություններ: