Գեյ-շքերթն արգելելու համար` 30 հազար եվրոյի փոխհատուցում

Ռուսաստանի իշխանությունները համասեռամոլ ակտիվիստներին վճարել են 30 հազար եվրոյի փոխհատուցում` Մոսկվայում գեյ-շքերթն արգելելու համար: Ինչպես գրում է Gazeta.ru-ն, Ռուսաստանը պարտավորվել է դա անել` համաձայն Եվրադատարանի որոշման:

2010 թվականի հոկտեմբերի 21-ին Եվրադատարանը որոշում է ընդունել, համաձայն որի` 2006-2008 թվականներին գեյ-շքերթների արգելումն անօրինական է եղել: Այդ իսկ պատճառով դատարանը Ռուսաստանին պարտավորեցրել է վճարել 12 հազար եվրո` որպես փոխհատուցում եւ 17.5 հազար եվրո` դատական ծախսերի համար:

Ռուսաստանը բողոքարկել է որոշումը, բայց ապրիլին Եվրադատարանի Գերագույն պալատի կողմից գործի վերաքննությունը մերժվել է եւ որոշումն ուժի մեջ է մտել: Սակայն նշվում է, որ այս տարվա մայիսին Մոսկվայի իշխանությունները դարձյալ արգելել են գեյ-շքերթը:

GayRussia նախագծի ղեկավար Նիկոլայ Ալեքսեեւը նշել է, որ Եվրադատարանում հաղթանակը դեռեւս բավարար չէ, եւ իրենք պայքարելու են այնքան, մինչեւ Մոսկվայում թույլատրվեն համասեռամոլների հրապարակային հավաքները: