Համաձայնագիր` ազատ տնտեսական գոտի ստեղծելու վերաբերյալ

«Զվարթնոց» օդանավակայանի հարակից տարածքում ազատ տնտեսական գոտի ստեղծելու նպատակով այսօր համագործակցության համաձայնագիր ստորագրվեց ՀՀ էկոնոմիկայի նախարարության եւ «Կորպոսրասիոն Ամերիկա Էս Էյ» ընկերության միջեւ:

Ըստ համաձայնագրի` այս տարածքում իրականացվելու է մեծածախ եւ մանրածախ առեւտրային գործունեություն, մասնավորապես` թարմ մրգերի եւ բանջարեղենի մթերման, տեսակավորման, խոր սառեցման եւ փաթեթավորման ուղղություններով, կատարվելու է նաեւ ոսկյա իրերի եւ ադամանդների առեւտուր:

«Կորպոսրասիոն Ամերիկա Էս Էյ» ընկերության ներկայացուցիչ Մարսելո Վենդեն նշեց, որ իրենց ընկերությունն ազատ տնտեսական գոտիներ է ղեկավարում նաեւ Արգենտինայում եւ ունի հեղինակավոր խորհրդատուներ աշխարհի տարբեր երկրներից.

«Ցանկանում եմ ասել, որ  մենք շատ հետաքրքրված ենք այս համագործակցությամբ: Ուղեւորային նոր համալիրի շինարարական աշխատանքների ավարտից հետո, ինչը  կլինի սեպտեմբերին, կանցնենք հաջորդ քայլին, որն էլ «Զվարթոնցը» բազմապրոֆիլ տրանսպորտային տեղափոխությունների կենտրոն դարձնելն է: Այդ կերպ Հայաստանը կմիանա ամբողջ աշխարհին»,- ասաց նա: