ԺՈՂՈՎՈՒՐԴ. Հերթական զոհը

Մինչ դատարանը քննում է 2010թ. հոկտեմբերի մեկին ամուսնու եւ սկեսուրի ծեծից եւ խոշտանգումներից հիվանդանոցում մահացած Զարուհի Պետրոսյանի մահվան դեպքը, օրերս գրանցվել է մահվան ելքով ընտանեկան բռնության հերթական դեպքը:

Լոռու մարզի Տաշիր քաղաքում հունիսի 24-ին գլխուղեղի ցնցումով հիվանդանոց բուժօգնության է դիմել 1965թ. ծնված Նատալյա Մ.-ն, ով ոստիկաններին հայտնել էր, որ վնասվածքները ստացել է իր բնակարանում` ամուսնու` 1966թ. ծնված Սերգեյ Ա.-ի կողմից, վիճաբանության ժամանակ: Հուլիսի 2-ին կինը կոմատոզ վիճակով կրկին տեղափոխվել է Տաշիրի բժշկական կենտրոն, որտեղ եւ նույն օրը, գիտակցության չգալով, մահացել է:

Դեպքի առթիվ Տաշիրի քննչական բաժնում հարուցվել է քրեական գործ: Ամուսինը ձերբակալված է: