Տիմոշենկոյի ունեցվածքը կալանքի տակ է

Ուկրաինայի նախկին վարչապետ Յուլյա Տիմոշենկոյի եւ ներքին գործերի նախկին նախարար Յուրի Լուցենկոյի ունեցվածքի մի մասի վրա կալանք է դրվել։ Այս մասին հայտարարել է Ուկրաինայի գլխավոր դատախազի տեղակալ Միխայիլ Գավրիլյուկը:

Ինչպես հաղորդում է «Նովոստի» գործակալությունը, կալանք դրվել է վերջիններիս նկատմամբ հարուցված գործի նախաքննության ընթացքում հայտնաբերված ունեցվածքի վրա: Դատախազի տեղակալը նշել է, որ Լուցենկոյի՝ կալանքի տակ վերցված ունեցվածքը կազմում է մոտ 78 միլիոն գրիվնի (մոտ 200 հազար դոլար), իսկ  Տիմոշենկոյի կարողությունների չափի մասին չի խոսել: Միայն ասել է, որ շարունակում են փնտրել նրանց ունեցվածքը:

Նշենք, որ Տիմոշենկոն մեղադրվում է 2009 թվականին Ռուսաստանի հետ գազի շուրջ պայմանագրեր կնքելու ժամանակ պաշտոնեական դիրքը չարաշահելու եւ պետությանը մոտ 200 միլիոն դոլարի վնաս հասցնելու համար: Բացի այդ` նրա դեմ հարուցված են եւս երեք քրեական գործեր` նմանատիպ իրավախախտումների համար:

Լուցենկոն նույնպես մեղադրվում է պաշտոնեական դիրքը չարաշահելու եւ պետության միջոցները վատնելու մեջ: Նա 2010 թվականի դեկտեմբերից անազատության մեջ է գտնվում: