Տիմոշենկոյի դուստրը խնդրում է ազատ արձակել մորը

Ուկրաինայի նախկին վարչապետ Յուլյա Տիմոշենկոյի դուստրը` Եվգենյա Կարրը, ում անցյալ շաբաթ դատավորը թույլատրել է հանդես գալ որպես մոր փաստաբան` այսպես կոչված «գազի գործով», դատավորին խնդրել է մորն ազատ արձակել կալանքից. հաղորդում է РИА Новости-ն:

«Խնդրում եմ հաստատել մորս` ազատ արձակման վերաբերյալ միջնորդությունը»,- ասել է Կարրը դատական նիստի ժամանակ: Նրա խոսքերով` այդ ժամանակ «մարդիկ կհասկանան, որ դատարանը օրենքի շրջանակներում է գործում»:

Նույն խնդրանքով դիմել են նաեւ Տիմոշենկոյի մյուս փաստաբան Յուրի Սուխովը եւ հենց Տիմոշենկոն: «Ես ցանկանում եմ, որ վերջապես դադարեցվեն ուկրաինական արդարադատության վարկաբերումները»,- ասել է Տիմոշենկոն` նշելով, թե իր ձերբակալությունը ողջ աշխարհի քննադատությանն է արժանացել: