Իլինոյսի նախկին նահանգապետը խաբեբա է

ԱՄՆ դատարանի երդվյալ ատենակալները մեղավոր են ճանաչել Իլինոյսի նախկին նահանգապետ Ռոդ Բլագոևիչին նրան առաջադրված մեղադրական 20 կետերից 17-ով: Մեղադրանքներից մեկի համաձայն` Բարաք Օբամայի` նախագահ ընտրվելուց հետո նա վաճառել է Սենատում թափուր մնացած տեղը. տեղեկացնում է CNN-ը:

Տեսականորեն Բլագոեւիչին սպառնում է մինչեւ 300 տարի ազատազրկում, սակայն դատավարության արդյունքում նախկին նահանգապետը կազատազրկվի մոտ 10 տարով:

Ռոդ Բլագոևիչը ձերբակալվել է 2008 թվականին: Բացի սենատորական աթոռի վաճառքից, նրան ներկայացվել են շանտաժի, կոռուպցիայի, Հետաքննությունների դաշնային բյուրոյին կեղծ ցուցմունքներ տալու եւ այլ մեղադրանքներ: