ՀՐԱՊԱՐԱԿ. Զլանում են իրենց աշխատանքն անել

«Հայփոստի» Վարդենիսի մասնաճյուղի աշխատակիցները զլանում են մարդկանց հասցեագրված նամակները տեղ հասցնել: Նույնիսկ պատվիրված նամակները տեղ չեն հասնում, իսկ ծանուցագրերը հենց փոստում ստորագրում են, թե` իբր հասցեատերը ստացել է:

Կազմակերպություններից մեկը դատի էր տվել Վարդենիսի բնակիչներից մեկին, բնականաբար մինչ այդ պահպանելով պատշաճ կարգը, պարտքի ենթակա վճարման վերջնագիր էր ուղարկել պարտատիրոջը, ապա նոր դիմել դատարան:

Մեր զրուցակցի պատմելով` նրանք ոչ մի նամակ չէին ստացել, նույնիսկ դատարանի ծանուցագիրը չէին ստացել, հետագայում նաեւ վճիռը, որոնք ուղարկվել էին փոստով: Որ իրենք դատարանում պարտվել են` իմացել են միայն այն ժամանակ, երբ ԴԱՀԿ ներկայացուցիչները եկել են տուն` գումարը բռնագանձելու նպատակով: