Դավոսում աշխատանքն է սկսում Համաշխարհային տնտեսական ֆորումը

Այսօր շվեյցարական Դավոսում աշխատանքն է սկսում ամենամյա Համաշխարհային տնտեսական ֆորումը` 43-րդը: 2013 թվականի հավաքը նվիրված է «Դինամիզմի կայունությունը» թեմային:

Ֆորումին մասնակցում են ավելի քան 100 երկրից ժամանակ 2500 մասնակցիներ, այդ թվում` 50 պետությունների եւ կառավարությունների ղեկավարներ, ավելի քան 1500 գիտնական, գործարարներ, քաղաքացիական հասարակության ներկայացուցիչներ, մասնավորապես` ՌԴ վարչապետ Դմիտրի Մեդվեդեւը, Գերմանիայի կանցլեր Անգելա Մերկելը, Մեծ Բրիտանիայի վարչապետ Դեւիդ Քեմերոնը, Ադրբեջանի նախագահ Իլհամ Ալիեւը:

Լիագումար նիստերի ընթացքում քննարկվելու են ֆինանսական ճգնաժամի հաղթահարմանը, համաշխարհային, տարածաշրջանային եւ բնագավառային փոփոխությունների խթանմանը, էներգետիկային վերաբերող հարցեր, նաեւ Չինաստանի, Լատինական Ամերիկայի, Ռուսաստանի եւ Արեւելյան Ասիայի տնտեսական զարգացումը:

Ֆորումն աշխատանքը կավարտի հունվարի 27-ին: