ՀԱՅԿԱԿԱՆ ԺԱՄԱՆԱԿ. Սերիա՞լ, թե՞ իրականություն

Հոդվածագիրը նկարագրում է երեկվա` ոստիկանների կողմից ավազակային հարձակումը կանխելու միջադեպը եւ անդրադառնում քաղաքացիների` խմբագրություն կատարած զանգերին: Տեղի ունեցածի մասին ընթերցողները տարբեր կարծիքներ էին հայտնում:

Հնչել է կարծիք այն մասին, որ ոստիկանի գործողությունը ոչ այլ ինչ էր, քան սառնասիրտ սպանություն եւ այդ սպանությունը քողարկելու նպատակով հորինվել է ավազակային հարձակման «հեքիաթը»: Ընթերցողներից մեկն էլ ասել է, որ թեեւ առաջիկա օրերին նշված դեպքի առնչությամբ դեռեւս բազմաթիվ կարծիքներ եւ վարկածներ կհնչեն, սակայն ակնհայտ է, որ տարիների ընթացքում ՀՀ ոստիկանությունն այնքան է վարկաբեկել իրեն, որ եթե նույնիսկ պարզվի, որ ոստիկանության վարկածը տեղի ունեցածի մասին ճիշտ է, որ սպանվածը իսկապես վտանգավոր հանցագործ էր, քաղաքացիներն ավելի շուտ կհավատան նրա, այլ ոչ թե ոստիկանի անմեղությանը: