"Փուչիկ" հաց

Այսօր ամենաշատ օգտագործվող սննդատեսակը` հացը, մտահոգությունների տեղիք է տալիս թե' որակի, թե' կշռի առումով:

«Մեր երկրի բնակիչների մինչև 30 տոկոսը մեծ քանակությամբ հաց է օգտագործում, սակայն մենք օդ ենք գնում. տեսքով մեծ է, տպավորություն է ստեղծվում, որ պատշաճ քաշ ունի, սակայն հիմնականում 400 գրամ է»,- այսօր լրագրողների հետ հանդիպման ժամանակ ասաց Հայաստանի սպառողների ասոցիացիայի նախագահ Արմեն Պողոյանը` հավելելով, որ շատ հաց ուտելն էլ լավ օրից չէ, այն ցածր կենսամակարդակ ունեցող խավն է ավելի շատ օգտագործում:

Հացատեսակների մասին խոսելիս Ա. Պողոյանն առանձնացրեց տարեկանի հացը, որը շատ օգտակար է համարվում, սակայն մեր խանութներում վաճառվող այդ հացատեսակը ստանում են խտանյութերի եւ գունանյութերի միջոցով` պարզապես ապահովելով դրա տեսքը:

«Այն կառույցը, որի անունը որակի տեսչություն է, եւ որ պետք է հսկի այդ գործընթացը, ներկա պահին վերակազմավորման փուլում է: Սպասում ենք, թե երբ պետք է սկսի աշխատել»,- հայտնեց ասոցիացիայի նախագահը: