Մուբարաքը ներողություն է խնդրելու

Եգիպտոսի նախկին նախագահ Հոսնի Մուբարաքը ցանկանում է ներողություն խնդրել ժողովրդից «այն ամեն չարիքի համար, որ գործել է սեփական ժողովրդի դեմ»:

Ինչպես տեղեկացնում է տեղական «Աշ Շուրուք» լրատվամիջոցը, եգիպտական եւ արաբական հեռուսաալիքները պատրաստվում են հեռարձակել Մուբարաքի` վերջերս ձայնագրված ուղերձը:

Որոշ տեղեկությունների համաձայն` Մուբարաքն անձամբ հայտարարելու է ամբողջ կարողությունից եւ բանկային հաշիվներից հօգուտ պետության հրաժարվելու մասին: Նախկին նախագահը ցանկանում է հիշեցնել մարդկանց, որ «ինքը մշտապես եղել է Եգիպտոսի զինված ուժերի մարտիկը եւ ձգտել է պաշտպանել հայրենիքը ու ծառայել հանուն ժողովրդի բարօրության:

«Աշ Շուրուքը» նշում է, որ այդ ամենը մի նպատակ ունի` որ ԶՈւ Բարձրագույն խորհուրդը ազատ արձակի վատառողջ Մուբարաքին ու նրա կնոջը, նաեւ որդիներին: