Վրաստանի խորհրդարանը տեղափոխվելու է Քութայիս

2012 թվականի խորհրդարանական ընտրություններից հետո Վրաստանի խորհրդարանը տեղափոխվելու է Քութայիս: Ըստ Regnum-ի` նման օրենսդրական նախաձեռնությամբ հանդես է եկել Վրաստանի նախագահ Միխեիլ Սահակաշվիլին:

Խորհրդարանի բյուրոն մայիսի 16-ի նիստում պաշտոնապես գրանցել է Վրաստանի Սահմանադրությունում համապատասխան փոփոխություններ իրականացնելու նախագիծը:

Քութայիսում արդեն խորհրդարանի նոր շենք են կառուցում:

Խորհրդարանական ընդդիմությունը դեմ է խորհրդարանը տեղափոխելուն, քանի որ դա կապված է մեծ ֆինանսական ծախսերի հետ, իսկ իշխանությունները նախաձեռնությունը հիմնավորում են Վրաստանի շրջանների համաչափ զարգացման անհրաժեշտությամբ: