Առանց ձեռքերի ծնված երեխայից ծնողները հրաժարվել են. տեղափոխվելու է մանկատուն

«Սուրբ Աստվածամայր» բժշկական կենտրոնում գտնվող` առանց ձեռքերի և մեկ ոտնաթաթի նորածնի առողջական վիճակը նորմալ է: Այդ մասին «Փաստինֆո»-ի թղթակցի հետ զրույցում ասել է ԲԿ-ի տնօրեն Նիկոլայ Դալլաքյանը՝ իր զարմանքն արտահայտելով, թե ինչով է պայմանավորված նման հետաքրքրությունն այդ երեխայով:

Նրա խոսքով` այդպիսի երեխաներ տարվա ընթացքում ծնվում են, սակայն նման հետաքրքրություն չի դրսևորվում նրանց նկատմամբ:

ԲԿ-ի տնօրենը նշել է, որ ծնողները հրաժարվել են բալիկից, իսկ համապատասխան իրավական փաստաթղթերի ձևակերպումից հետո նա կտեղափոխվի մանկատուն:

Հիշեցնենք, որ  առանց ձեռքերի և մեկ ոտքի թաթի փոքրիկը լույս աշխարհ է եկել «Մալաթիա» բժշկական կենտրոնում՝ կեսարյան հատումով:

Մանրամասն՝ սկզբնաղբյուրում: