Մահմուդ Աբասը մտադիր է հրաժարական տալ

Մահմուդ Աբասը մտադիր է հրաժարվել ե'ւ Պաղեստինի ազգային վարչակազմի ղեկավարի, ե'ւ ՖԱԹՀ առաջնորդի պաշտոններից: Այդ մասին նա հայտարարել է երեկ գիշեր Ռամալլահում ՖԱԹՀ-ի ղեկավարության հետ խորհրդակցության ժամանակ:

Աբասը շարժման ակտիվիստներին կոչ է արել նոր թեկնածու փնտրել` հաջորդ ընտրություններին առաջադրելու համար: Նա հայտարարել է, որ ազգային միասնության կառավարությունը, որի կազմում նաեւ ՀԱՄԱՍ շարժման իսլամականներն են լինելու, բաղկացած կլինի «անկախ եւ ժողովրդական գործիչներից», եւ նոր կառավարության նպատակն է լինելու Գազայի հատվածի վերականգնումը եւ ընտրություններին հավուր պատշաճի նախապատրաստվելը:

Աբասը նաեւ հաստատել է, որ վճռական է` սեպտեմբերին ՄԱԿ-ում քվեարկության դնել պաղեստինյան պետության անկախության ճանաչման հարցը, սակայն եթե Իսրայելի հետ խաղաղ բանակցությունները վերսկսվեն, կվերանայի իր որոշումը: