Սևանը ձկնաթափ են անում /տեսանյութ/

Չնայած բնապահպանության նախարարության և դրա ենթակայության տակ գործող համապատասխան տեսչության պնդումներին, թե Սևանում արգելվում է սիգ ձկան որսը, և իրենք ամբողջովին վերահսկում են իրավիճակը, այնուամենայնիվ, Սևանում և երևանյան շուկաներում ակտիվորեն սիգի վաճառք է իրականացվում:

Մեր լրագրողներն այսօր այցելել են երևանյան շուկաներից մեկը` ստուգողական գնում կատարելու: Նրանց մոտեցել է մի ձկնավաճառ ու առաջնորդել այն վայրը, որտեղ վաճառում են ձուկը:

Նախկինում ամենաէժան և ամենարագ սպառվող  ձուկն այսօր դեֆիցիտ է ու թանկ: Պատճառը ժամանակին արված անխնա որսն է: Տարիներ առաջ նույն պատմությունն էր իշխան ձկան պարագայում: Լիճն «իշխանաթափ» արեցին, հետո սկսեցին բուծել: Հիմա էլ սիգն է վերացման եզրին, սակայն վաճառողն ու սպառողը, բնականաբար, չեն դժգոհում, բնապահպանության նախարարությունը` զարմանալիորեն ևս:

 Տեսանյութը կարող եք դիտել այստեղ: