Սեւանը "ռումբ" է

Սեւանը «ռումբ» է, «հանգած հրաբուխ». «Էկոլուր»-ին հայտարարել է Էկոլոգիական հասարակական դաշինքի անդամ Մանե Հակոբյանը:

«Բացի դրանից`մենք մեզ թույլ ենք տվել դատարկել Սեւանի կեսը: Հայաստանում սողանքների հիմնական մասի պատճառը դա է: Դատարկելով Սեւանը խախտել ենք երկրակեղեւի հավասարակշռությունը. այն կարծրանում է: Եվ դեռ Սոտքի հանքում էլ պայթեցումներ են կատարվում, ինչը մի գեղեցիկ օր հանգեցնելու է տեխնածին երկրաշարժի»,- ասել է նա:

Արդեն մի քանի տարի է Էկոլոգիական հասարակական դաշինքի անդամներն ահազանգում են Սեւանում հանքավայրերի շահագործման վտանգի մասին:

Ըստ Մանե Հակոբյանի` մեր երկրում չկա հանքարդյունաբերություն. «Մենք ունենք հանքարտահանում: Հանքարդյունաբերությունը դեռ ոչ մի երկրի չի հարստացրել, ընդամենը մի քանի օլիգարխներ են հարստացել»: