Շախմատի կանանց Եվրոպայի առաջնություն

Վաղը Թբիլիսիում կմեկնարկի շախմատի կանանց Եվրոպայի անհատական առաջնությունը, որին մասնակցելու են Հայաստանի 9 ներկայացուցիչներ։

Վրաստանում ելույթ կունենան Հայաստանի գրեթե բոլոր ուժեղագույն շախմատիստուհիները։ Մարտական կազմից բացակայում է Հայաստանի գործող չեմպիոն Սիրանուշ Անդրեասյանը: Հայ շախմատիստուհիներից ամենաբարձր վարկանիշն ունի Էլինա Դանիելյանը, ով իր ցուցանիշով 7-րդն է։ Լիլիթ Մկրտչյանը`13-րդն է։

Ամենաբարձր վարկանիշները ունեն Տատյանա և Նադեժդա Կոսինցևաները, որոնց հաջորդում է Վրաստանը ներկայացնող Նանա Ձագնիձեն։

Եվրոպայի առաջնությանը մասնակցելու են 132 շախմատիստուհիներ։ Մրցաշարն անցկացվելու է շվեյցարական մրցակարգով. բաղկացած է լինելու 11 տուրից։