Վերնիսաժի առեւտրականները բողոքում են

Երեւանի քաղաքապետարանի դիմացի մայթին այս պահին հավաքված են մոտ 30 քաղաքացիներ, ովքեր բողոքում են, այսպես կոչված` Վերնիսաժի փակման դեմ: Արդեն մի քանի շաբաթ է` այն չի գործում` տարածքում վերանորոգման աշխատանքներ իրականացնելու պատճառով: 

Քաղաքապետարանում ասում են, որ վերանորոգումն իրականացվում է հօգուտ առեւտրականների` հարմարավետ պայմաններում առեւտուր իրականացնելու համար, սակայն բողոքի ակցիայի մասնակիցները մտավախություն ունեն, որ Վերնիսաժի տարածքում հերթական սրճարանն է կառուցվելու:

Ոստիկանության աշխատակիցները նրանց թույլ չեն տալիս մոտենալ քաղաքապետարանի շենքի մուտքի մոտ, իսկ քաղաքապետն էլ, ասում են, տեղում չէ:

Ի դեպ, Վենիսաժի տարածքում տեղադրվել են «Բալթիկա» գարեջուրը գովազդող մեծ հովանոցներ: