Միանվագ օգնություն` Եռատոնի կապակցությամբ

Ինչպես ամեն տարի, Արցախի կառավարության որոշմամբ, Եռատոնի կապակցությամբ սոցիալական որոշ խմբերի միանվագ դրամական օգնություն է տրամադրվում: Այդ նպատակով  պետբյուջեից հատկացվել է շուրջ 88 միլիոն դրամ:

Հայրենական մեծ պատերազմի (1941-1945թթ.) մարտական գործողությունների մասնակիցներին եւ զոհվածների այրիներին տրամադրվում է 50 000-ական դրամ, իսկ Հայրենական մեծ պատերազմի հաշմանդամներին եւ մասնակիցներին հավասարեցված անձանց՝ 25 000-ական դրամ, ԼՂՀ պաշտպանության ժամանակ զոհված զինծառայողների ընտանիքներին`16 000-ական, հաշմանդամ զինծառայողներին`10 000-ական դրամ: Մեծ Հայրենականի տարիների ԽՍՀՄ պարգեւների արժանացածները կստանան 11 000-ական դրամ: Երկու զոհ ունեցած ընտանիքներին միանվագ դրամական օգնություն կտրվի սահմանված չափի կրկնապատիկի, իսկ երեք զոհ ունեցողները` եռապատիկի չափով:

Ընդհանուր առմամբ՝ դրամական օգնություն կհատկացվի 5580 քաղաքացու: