Պատժիչ գործողությունը սկսվել է` առայժմ վիրտուալ

Ադրբեջանի ազգային անվտանգության նախարար Քերիմ Քերիմովն այսօր լրագրողներին հայտարարել է, թե «հարեւան երկրների հատուկ ծառայություևնների հետ համագործակցության արդյունքում հաջողվել է հայտնաբերել հայ հաքերների մի խումբ, որը հարձակումներ է գործել Ադրբեջանի երկու նախարարությունների կայքերի վրա». տեղեկացնում է ադրբեջանական 1news.az-ը:

Թե ո՞ր նախարարությունների կայքերն են կոտրել հայ հաքերները չի նշվել:

Քերիմովը նաեւ դժգոհել է, որ հայերը հաճախ օգտագործում են «Վիքիպեդիա» էլեկտրոնային հանրագիտարանը «Ադրբեջանի վերաբերյալ ստեր» տարածելու համար:

«Մեր նախարարությունը Կապի եւ տեղեկատվական տեխնոլոգիաների նախարարության հետ համատեղ աշխատանքներ է իրականացնում նման երեւույթների վերացման ուղղությամբ»,- հայտարարել է ադրբեջանցի նախարարը: