Կամբոջայի եւ Թայլանդի սահմանին նորից բախում է եղել

Թայլանդի եւ Կամբոջայի միջեւ գտնվող վիճելի տարածքում այսօր նորից հերթական փոխհրաձգությունն է եղել` երկու երկրների զինված ուժերի միջեւ: Ինչպես հաղորդում է BBC-ին, հարձակումները վերսկսվել են մեկ օր դադարից հետո: Նախորդ հրաձգությունների ժամանակ զոհվել էր 6 հոգի:

«Նոր բախումները տեղի են ունեցել առավոտյան ժամը վեցին: Մենք բանակցություններ են վարում` այդ բախումները դադարեցնելու ուղղությամբ»,- ասել է Թայլանդի զինված ուժերի ներկայացուցիչ Պրավիտ Խուկեյուն:

Չնայած այն բանին, որ կողմերը հաշտվել են, սահմանի մոտ` վիճելի տարածք համարվող Պրե Վիեխա վանքի շրջանում, լարվածությունը եւ երկկողմանի բախումները շարունակվում են դեռեւս փետրվարից: