Չեռնոբիլի համար հանգանակվել է 575 մլն եվրո

Այսօր 50 երկրների ներկայացուցիչներ հավաքվել են Կիեւում` հանգանակելու Չեռնոբիլի վթարված ռեակտորի նոր սարկոֆագի համար անհրաժեշտ 740 մլն եվրո գումարը:

Ֆրանսիայի վարչապետ Ֆրանսուա Ֆիյոնը, որը համանախագահել է հանդիպման ժամանակ` որպես G8-ում ներկայումս նախագահ երկրի ներկայացուցիչ, հայտարարել է, որ հավաքվել է 575 մլն եվրո եւ հույս է հայտնել, որ դոնորական այդ միջոցառմանը չմասնակցած այլ երկրներ եւս կմիանան իրենց նախաձեռնությանը. տեղեկացնում է France-24-ը:

Հանդիպման ժամանակ Եվրահանձնաժողովի նախագահ Ժոզե Մանուել Բարոզուն ասել է, որ Եվրահանձնաժողովը 110 մլն եվրո կներդնի ատոմակայանին վերաբերող նախագծերի իրականացման համար։