Եհովայի վկաները PR-ի կարիք ունեն

Ապրիլի 7-ին` ժամը 10:00-ի սահմաններում, «Եհովայի վկաներ» կրոնական աղանդից զանգահարել են «ՓիԱր-ի Զարգացման Հայկական Կենտրոն» և հետաքրքրվել PR ծառայությունների մատուցման կարգից: Սկզբում թաքցնելով ով լինելը, զանգահարողն ուղղակի նշել է, որ առայժմ ցանկանում են մամլո ասուլիս կազմակերպել Եվրոպական դատարանին ինչ-որ հայց ներկայացնելու և դրա արդյունքների մասին: Այնուհետև մեծ զգուշավորությամբ ներկայացել է որպես Արթուր Իսպիրյան` «Հայաստանի Եհովայի վկաների քրիստոնեական կազմակերպությունից»:

Զանգահարողը հետաքրքրվել է, թե ինչպես կարող է հանդիպել կենտրոնի նախագահ Հայկ Կիրակոսյանի հետ խնդիրն ավելի մանրամասն քննարկելու համար` առանց նախապես իմանալու, որ վերջինս ավարտել է ԵՊՀ աստվածաբանության ֆակուլտետը:

«PR Զարգացման Հայկական Կենտրոն»-ը կոչ է անում ԶԼՄ-ներին և PR ծառայություններ մատուցող ընկերություններին խուսափել նմանատիպ վտանգավոր և դրսից ֆինանսավորվող ուժերին որևէ աջակցություն ցուցաբերելուց: Իսկ զանազան կրոնական աղանդներին ևս մեկ անգամ հիշեցնում է, որ կենտրոնը չի զբաղվում կրոնական աղանդների PR-ով: