Microsoft-ը Toyota մեքենաները կապահովի ինտերնետով

Microsoft ընկերությունը եւ ավտոմեքենա արտադրող խոշորագույն ճապոնական Toyota ընկերությունը համատեղելու են իրենց ուժերը` ինտերնետային տեխնոլոգիաները ավտոմեքենաներում ներդնելու համար:

Ինչպես հաղորդում է BBC-ն, նախագծի հիմնական նպատակը Toyota ավտոմեքենաներում GPS տեխնոլոգիայի եւ մուլտիմեդիա ծառայությունների ներդնումն է: Համագործակցության շրջանակներում Toyota-ն իր ավտոմեքենաներում օգտագործելու է Windows Azure օպերացիոն համակարգը:

Ընկերություններն այս նախագծին տրամադրել են 12 միլիոն դոլար: Նոր հնարավորություններով ավտոմեքենաները պատրաստ կլինեն 2012 թվականին, իսկ 2015-ին դրանք մատչելի կդառնան ամբողջ աշխարհում:

«Microsoft-ի եւ Toyota-ի համագործակցությունը կարեւոր է ողջ աշխարհի համար` մոբիլ եւ էներգետիկ մենեջմենթի տեսանկյունից»,- ասել է Toyota-ի նախագահ Ակիո Տոեդան: