ԶԼՄ-ների մասին օրենքը չի ապահովում բազմակարծությունը

Մեծ Բրիտանիայի արտգործնախարարությունը հրապարակել է «Մարդու իրավունքներ եւ ժողովրդավարություն» 2010 թ. զեկույցը, որում անդրադարձ է կատարվել նաեւ Հայաստանում մարդու իրավունքների վիճակին:

Հայաստանում Մեծ Բրիտանիայի դեսպանության տարածած հաղորդագրության համաձայն` նշվում է, որ ԵՄ-ն եւս մեկ անգամ Հայաստանի ուշադրությունը հրավիրում է մարդու իրավունքների կարեւորությանը` որպես լիովին ժողովրդավարական հասարակություն ստեղծելու հիմնական տարր:

Հղում է կատարվում ԵԱՀԿ մամուլի ազատության հարցերով ներկայացուցչի զեկույցին, ըստ որի` «Հեռուստատեսության եւ ռադիոյի մասին» ՀՀ օրենքի փոփոխությունները բավարար չեն ԶԼՄ-ների բազմակարծությունը ապահովելու համար, եւ ԵՄ-ն կոչ է անում Հայաստանի կառավարությանն ու օրենսդիրներին` շարունակել սերտորեն համագործակցել քաղաքացիական հասարակության, Եվրոպայի եւ ԵԱՀԿ փորձագետների հետ, որպեսզի օրենքը նպաստի մամուլի ազատությանը եւ համապատասխանի եվրոպական չափանիշներին: