"Բարի Սամարացին" աղանդավորական կառույց է

Մսամթերքի շուկայում հայտնի «Բարի Սամարացի» ընկերությունն աղանդավորական կառույց է». լրագրողների հետ հանդիպման ժամանակ հայտնեց Քայքայիչ պաշտամունքից տուժածների օգնության և վերականգնողական կենտրոնի տնօրեն Ալեքսանդր Ամարյանը:

Ալեքսանդր Ամարյանը նաեւ տեղեկացրեց, որ տեղեկություն չունի` արդյո՞ք պետական մարմիններում կան աղանդավորներ, սակայն, բանախոսի հավաստմամբ, ուժային կառույցներում նրանց ներկայությունն առկա է: Նրա խոսքերով` շատ դատավորներ, դատախազներ են պատկանում աղանդավորական այս կամ այն խմբին:

Ինչ վերաբերում է Ազգային անվտանգության խորհրդի քայլերին, ապա Ամարյանը հայտնեց, որ ինքը չի կարող որեւէ բան ասել, քանի որ այնտեղ ամեն ինչ փակ է, եւ ԱԱԽ-ի հետ այսքան ժամանակ ոչ մի խորհրդակցություն կամ քննարկում չի եղել: