Թուրքիան դեմ է լիբիացի ապստամբներին զինելուն

Թուրքիայի վարչապետ Ռեջեփ Թայիփ Էրդողանը երեկ Լոնդոնում Մեծ Բրիտանիայի վարչապետ Դեւիդ Քեմերոնի հետ համատեղ ասուլիսում հայտարարել է, որ «իրենց նպատակը Լիբիայի ժողովրդի պահանջների կատարումն է եւ վայրկյան առաջ խաղաղության, ժողովրդավարության եւ ազատության հաստատումը»:

Ըստ CNNturk-ի` վարչապետը նշել, է, որ Թուրքիան դեմ է, որ ՆԱՏՕ-ի` Լիբիայում իրականացրած գործողությունները Աֆղանստանում կատարվածին նմանվեն:

Էրդողանը նաեւ դեմ է արտահայտվել Լիբիայի ապստամբներին զինելու առաջարկին:

«Քադաֆիի ընդդիմադիրներին զինելու առաջարկներին մենք բացասաբար ենք վերաբերվում։ Նման քայլերը կարող են պարարտ հող նախապատրաստել ահաբեկչության համար»,– հայտարարել է Էրդողանը։