Սկանդալ Եվրախորհրդարանում

Նախադեպը չունեցող սկանդալ է տեղի ունեցել Եվրախորհրդարանում` Ռումինիայից պատգամավոր Ադրիան Սեւերի հետ կապված, որը Ադրբեջանի հիմնական լոբբիստն է:

Ըստ բրիտանական Sunday Times թերթի` նրան մեղադրում են ֆինանսական օրենսդրությունը փոփոխելու համար կաշառք վերցնելու մեջ:

Թեեւ պատգամավորը հերքում է իրեն ներկայացված մեղադրանքները, այնուամենայնիվ, մի քանի պատգամավորներ խիստ հայտարարություններ են արել:

Եվրախորհրդարանի փոխնախագահ Դայանա Ուոլիսը հայտարարել է, որ մտադիր է հանդես գալ պաշտոնական հետաքննություն սկսելու նախաձեռնությամբ: Իսկ եվրոպական սոցիալիստների առաջնորդ Մարտին Շուլցը պահանջելու է Սեւերին հեռացնել խմբից: Շուլցը նշել է, որ ցանկացած պատգամավոր, եթե կաշառք է վերցնում, պետք է հրաժարական տա: