Բազազը մի տեղ գնա ու կռիվ չգցի՞

Այսօր` ժամը 18-ի սահմաններում, Րաֆֆի Հովհաննիսյանի զորակիցներն ու համախոհները Ազատության հրապարակում տեղադրվեց մեկ հոգու համար նախատեսված փոքրիկ վրան:

Հրապարակը, որ մինչ այդ լեցուն էր ոստիկաններով, վրանի տեղադրման պահին ազատ էր նրանց ներկայությունից:

Երբ վրանը տեղադրված էր, հրապարակ ժամանեցին Երեւանի փոխոստիկանապետ Ռոբերտ Մելքոնյանը, ՊՊԾ գնդի պետ Վալերի Օսիպյանը, ոստիկանության Կենտրոնի բաժնի պետի տեղակալ Արայիկ Պետրոսյանը:

Հացադուլի նստած պատգամավորի աջակիցները վստահ են, որ ոստիկաններն իրենց գործը, այնուամենայնիվ, կանեն, հենց որ բազմությունն ու լրագրողները հեռանան հրապարակից: Հենց դա է հուշում է նշված բարձրաստիճան ոստիկանների ներկայությունը:

«Դուք տեսել եք Բազազը մի տեղ գնա ու կռիվ չլինի»,- ասում էին Ազատության հրապարակում հավաքվածները:

Ներկա պահին հրապարակում են Հայ ազգային կոնգրեսի, տարբեր կուսակցությունների, Մարդու իրավունքների պաշտպանի գրասենյակի, հասարակական կազմակերպությունների ներկայացուցիչներ եւ բազմաթիվ քաղաքացիներ: Կարճատեւ այցով հրապարակում էր նաեւ ՕԵԿ-ական պատգամավոր Գագիկ Բաղդասարյանը: