Մարդու իրավունքների խախտում, նաեւ ոչ իրավաչափ գործողություն

ՀՀ քաղաքացի Րաֆֆի Հովհաննիսյանի` հացադուլ իրականացնելու ընթացքում մեկ վրան կամ մեկ հովանոց տեղադրելու արգելքը գնահատում եմ որպես մարդու իրավունքների խախտում, իսկ ՀՀ ոստիկանության գործողությունները համարում եմ ոչ իրավաչափ. ասված է ՀՀ մարդու իրավունքների պաշտպան Կարեն Անդրեասյանի հայտարարության մեջ:

«Հայտարարում եմ, որ անձի կողմից մեկ վրանի տեղադրումը` որպես ոչ զանգվածային հրապարակային միջոցառմանը ուղեկցող գործողություն, ինքնին չի կարող որակվել որպես հասարակական կարգի խախտում»,- նշված է փաստաթղթում:

Հիշեցնենք, որ մարտի 15-ի երեկոյան Ազատության հրապարակում հացադուլ իրականացնող Րաֆֆի Հովհաննիսյանի գործընկերները փորձել են նրա համար վրան կամ տաքացուցիչ տեղադրել, ինչին ոստիկաններն ամեն կերպ խոչընդոտել են: