Ամենագարշահոտ քաղաքները

Տուրիստական skyscanner.net որոնողական կայքը կազմել է աշխարհի ամենագարշահոտ քաղաքների ցուցակը: Առաջին տեղում է հայտնվել Կանկունը, որտեղ Մեքսիկայի իշխանություններն արդեն մի քանի տարի է, ինչ չեն կարողանում կարգավորել կոյուղային համակարգը, որը պղտորում է քաղաքային օդը:

Վարկանիշային աղյուսակի մշտական մասնակիցն է Վենետիկը, որն այս անգամ հայտնվել է երկրորդ տեղում: Վենետիկի հնամյա, գեղատեսիլ ջրանցքերը տհաճ հոտի աղբյուր են, հատկապես` տաք եղանակին:

Բրոնզե մրցանակակիր է դարձել նորզելանդական Ռոտորուան, որի տհաճ հոտը պայմանավորված է քաղաքի մոտ անդադար բլթբլթացող տաք ջրերով, դրանց բուժիչ հատկությունների մասին լեգենդներ են պտտվում:

Բրիտանական Սենթ Հելեն Օքլենդը հայտնվել է այս ցուցակում շնորհիվ սոխի հակառակորդների: Այդ մշակաբույսը դարեր շարունակ աճեցվում է հենց այս փոքրիկ քաղաքում: Սոխի ագարակներն այստեղ ամենուր են:

Շնորհիվ բուրգունդյան էպուաս պանրի արտադրության, որը հայտնի է իր սուր հոտով, այս ցուցակում է հայտնվել նաև ֆրանսիական Կոտ դ’Օր քաղաքը: