Օգնություն Ճապոնիային, նաեւ` Հայաստանից

Այսօր Ճապոնիայի Հոնսյու կղզու արեւելյան ափեզրին դարձյալ երկրաշարժ է տեղի ունեցել` 5,8 մագնիտուդով, ուժեղ ցնցումներ են զգացվել նաեւ Տոկիոյում:

Աշխարհի տարբեր երկրներ պատրաստակամություն են հայտնել օգնել Ճապոնիային մարտի 11-ին տեղի ունեցած ավերիչ երկրաշարժի եւ ցունամիի հետեւանքները վերացնելու հարցում:

Ամերիկյան, գերմանական, շվեյցարական, հունգարական եւ թայվանական փրկարար խմբերը, զինված են ժամանակակից սարքավորումներով, փրկարար շների օգնությամբ արդեն աշխատում են աղետի գոտում: Եղանակային պայմաններն այնպիսին են, որ նրանք հույս ունեն դեռեւս  5 օրվա ընթացքում փրկել փլատակների տակ մնացածներին:

Ի դեպ,  ՀՀ նախագահի հանձնարարությամբ լրիվ պատրաստականության է բերված Հայաստանի արտակարգ իրավիճակների նախարարության 25 հոգանոց փրկարար ջոկատը: Եթե Ճապոնիան համաձայնություն տա, նրանցից 22-ը կմեկնեն աղետի գոտի: