Ռազմական օգնություն են ցուցաբերելու միմյանց

Թուրքիայի Ազգային մեծ ժողովը մարտի 10-ի  լիագումար նիստում վավերացրել է Ադրբեջանի հետ ռազմավարական համագործակցության եւ փոխադարձ օգնության մասին պայմանագիրը, որը ստորագրվել էր երկու երկրների նախագահների կողմից անցած տարվա օգոստոսի 10-ին:

Ադրբեջանի խորհրդարանը փաստաթուղթը վավերացրել էր  2010 թ. դեկտեմբերին:

10 տարի ժամկետով փաստաթղթի համաձայն` եթե պետություններից որեւէ մեկը զինված հարձակման ենթարկվի, մյուս երկիրը, ՄԱԿ-ի կանոնակարգի 51-րդ հոդվածի համաձայն, կարող է ռազմական օգնություն ցուցաբերել: Պայմանագիրն ապահովում է նաեւ պաշտպանական նշանակության նյութատեխնիկական միջոցների եւ արտադրանքի փոխադարձ տրամադրումը, համատեղ զորավարժությունների անցկացումը եւ այլն. տեղեկացնում է ադրբեջանական ԱՊԱ գործակալությունը: