ԺԱՄԱՆԱԿ. Թերթն ու հայցվորը համաձայնության են եկել

«Առավոտ» օրաթերթի եւ հայցվոր` Գորիսի հիվանդանոցի տնօրեն Սլավիկ Ամիրյանի միջեւ համաձայնություն է ձեռք բերվել` գալ հաշտության. թերթը կտպագրի հայցվորի հերքումը, հայցվորն էլ` կհրաժարվի իր հայցապահանջի գումարային մասից` 2 մլն դրամ գումարից:

Հիշեցնենք, որ «Առավոտը» հրապարակման մեջ նշել էր, որ տնօրենը յուրացրել է հիվանդանոցի աշխատակիցների աշխատավարձը, սակայն որքան էլ հուսալի է եղել այդ աղբյուրը, թերթը գնացել է համաձայնության` զուտ տեղեկատվության աղբյուրի պաշտպանության, չգաղտնազերծելու նկատառումներով:

Համաձայնության մասին որոշումը դատարանը, հավանաբար, կհրապարակի մարտի 21-ին: Նախորդ` փետրվարի 16-ի նիստը հետաձգվել էր թերթի ներկայացուցիչ, ՀՀ փաստաբանների պալատի անդամ Քրիստինե Գեւորգյանի միջնորդությամբ: