Հիտլերի վերադարձը

Բիաթլոնի աշխարհի առաջնությունում տեղի է ունեցել նացիստական սկանդալ. հաղորդում է Bild-ը:

«Յուգրա Կլասսիկի» կենտրոնում պաշտոնական ճաշկերույթի ժամանակ սեղանները ձևավորված են եղել աշխարհի ամենատարբեր թերթերով: Տպագրված հրատարակությունների մեջ եղել են 2 գերմանական նացիստական թերթեր: Ռուս դիզայներները վերցրել էին թերթերն ինտերնետից, բայց հոդվածները չէին կարդացել:

1933-ի հունվարին հրատարակված Der Angriff թերթում եղել է Յոզեֆ Գեբբելսի «Ռեյխսկանցլեր Հիտլեր» հոդվածը, իսկ Deutsche Allgemeine Zeitung-ի 1944-ի հունիսի 4-ի համարում եղել է «Ներխուժումն սկսված է» վերնագրով հոդված:

Աշխարհի առաջնության ծառայողական հարցերով կազմկոմիտեի ղեկավար Վյաչեսլավ Ժուրավլյովն արդեն ներողություն է խնդրել. «Ես ներողություն եմ խնդրում այս անհարմար դրության համար: Դիզայները գերմաներեն չի իմացել: Դա պատահական ընտրություն էր»: