Հայաստանը 139 երկրների շարքում 90-րդն է

Համաշխարհային տնտեսական ֆորումը հրապարակել է զբոսաշրջության մրցունակության վերաբերյալ տարեկան զեկույցը, որում ներկայացված է աշխարհի 139 երկրների զբոսաշրջության ոլորտների մանրակրկիտ վերլուծությունը:

Հայաստանը, ըստ փաստաթղթի, զբաղեցնում է 90-րդ հորիզոնականը. մեր երկրի դիրքերը, 2009 թվականի համեմատ, բարձրացել են ընդամենը 1 նիշով: Ի դեպ, Հայաստանը չորրորդ անգամ է ընդգրկվում Համաշխարհային տնտեսական ֆորումի այդ ուսումնասիրության մեջ:

Ըստ հրապարակված փաստաթղթի` աշխարհի ամենամրցունակ երկրների ցանկն այս տարի գլխավորել են Շվեյցարիան, Գերմանիան եւ Ֆրանսիան: Ամենավատ ցուցանիշներով երկրներն են Չադը, Անգոլան եւ Բուրունդին: