ԱՄՆ կոնգրեսականը դատապարտում է Ադրբեջանին

ԱՄՆ Կոնգրեսի Ներկայացուցիչների պալատի անդամ Ադամ Շիֆը հանդես է եկել հայտարարությամբ, որում խստորեն դատապարտել է 23 տարի առաջ Ադրբեջանի Սումգայիթ քաղաքում հայերի հանդեպ իրագործված ցեղասպանությունը. տեղեկացնում է ՀՅԴ Ամերիկայի Հայ Դատի հանձնախումբը:

«1988 թվականին եռօրյա ցեղասպանության ընթացքում բազմաթիվ հայեր զոհվեցին, հրկիզվեցին, տանջամահ արվեցին, հարյուրավոր մարդիկ վիրավոր էին: Կանանց եւ աղջիկներին գազանաբար բռնաբարում էին: Հազարավոր էթիկ հայեր փախստական դարձան`թողնելով իրենց տունը, ունեցվածքը, աշխատանքը»,- ասել է կոնգրեսականը:

Հիշեցնենք, որ Սումգայիթում եւ Բաքվում տեղի ունեցած հայկական կոտորածների 23-րդ տարելիցի կապակցությամբ համայն հայությունն ամբողջ աշխարհում բողոքի ցույցեր է կազմակերպել եւ ոգեկոչել անմեղ զոհերի հիշատակը: