Կաշառք վերցնելու համար մեղավոր է ճանաչվել

Ամերիկյան Apple ընկերության նախկին աշխատակիցը մեղավոր է ճանաչվել կաշառք վերցնելու եւ ներքին տեղեկություն հաղորդելու համար:

Ինչպես հաղորդում է BBC-ին, մեղավոր ճանաչված Փոլ Դեւինը գաղտնի տվյալներ հաղորդելու դիմաց բազմիցս կաշառք է վերցրել ասիական մատակարարներից, որոնք այդ տվյալներն օգտագործել են ավելի շահավետ գործարքներ անելու համար:

Հենց Դեւինն էլ խոստովանել է, որ Apple-ին հասցված վնասը կազմում է մոտ 2 միլիոն դոլար:

Նա այս ընկերությունում աշխատանքի է ընդունվել 2005 թվականին` որպես խոշոր մատակարարումների գծով մենեջեր: Իսկ ձերբակալվել է 2010-ի օգոստոսին, երբ ընկերությունը նրա էլեկտրոնային փոստում հայտնաբերել է «բանակցությունների» վերաբերյալ նամակները:

Դատավճռի համաձայն` Դեւինը պարտավոր է ընկերությանը վճարել 2.28 միլիոն դոլար: