Սխալն ուղղվեց

Կառավարությունը հենց սկզբից պետք է ընդառաջ գնար հղիներին. անդրադառնալով «Ժամանակավոր անաշխատունակության նպաստների մասին» օրինագծին` լրագրողների հետ հանդիպման ժամանակ նշեց Հայրենական ապրանք արտադրողների միության նախագահ Վազգեն Սաֆարյանը:

«Փոփոխությունը տեղին էր եւ ժամանակին, բայց լավ կլիներ, որ բանը դրան չհասներ»,- ասաց նա` հավելելով. «Չպետք է սպասել ժողովրդական հուզումների, մարդկանց պահանջներին պետք է ընդառաջ գնալ ի սկզբանե»:

Հիշեցնենք, որ 2010 թ. հոկտեմբերի 27-ին ընդունված եւ դեկտեմբերի 1-ին ուժի մեջ մտած այս օրենքն առաջացրել էր ապագա մայրերի դժգոհությունը, ինչից հետո կառավարությունն անհետաձգելի կերպով ԱԺ էր ներկայացրել այն ու օրենքին տվել հետադարձ ուժ: