Դանիելյանը 100 տոկոսանոց արդյունք ունի

Քաթարի Դոհա քաղաքում կայացան ՖԻԴԵ-ի Գրան պրիի երկրորդ մրցափուլի հանդիպումները:

Էլինա Դանիելյանը հաղթանակ տոնեց աշխարհի նախկին չեմպիոնուհի Մայա Չիբուրդանիձեի նկատմամբ:

Լիլիթ Մկրտչյանը մրցում էր բուլղարուհի Անտուանետա Ստեֆանովայի հետ, սակայն ստիպված էր 79-րդ քայլին ընդունելու իր պարտությունը:

Այսպիսով, խաղացված 2 մրցափուլերից հետո միայն Նանա Զանգիձեն և Էլինա Դանիելյանը միավորների կորուստ չունեն և 2-ական միավորով գլխավորում են մրցաշարային աղյուսակը: Լիլիթ Մկրտչյանն իր ակտիվում ունի 0,5 միավոր: 3-րդ մրցափուլում Դանիելյանի մրցակիցը Մոնգենտուլն է, իսկ Մկրտչյանը կխաղա Մարի Սեբագի հետ: Հայ շախմատիստուհիները հանդես կգան սև խաղաքարերով: