Հեղափոխության ալիքը հասավ ԿԺԴՀ

Հյուսիսային Կորեայի` Չինաստանին սահմանակից Սինիչժու քաղաքում հուզումներ են: Հարյուրավոր բնակիչներ դուրս են եկել քաղաքի փողոցներ: Տեղի են ունեցել բախումներ բնակչության եւ զինվորականների միջեւ:

Հարավկորեական Chosun Ilbo թերթի տվյալներով` բախումներ եղել են նաեւ փետրվարի 18-ին, սակայն այդ մասին հայտնի է դարձել միայն այսօր: Ցուցարարներին ցրելու ընթացքում մի քանի մարդ է վիրավորվել, որոշ տվյալներով՝ կան զոհեր:

Զգուշանալով մերձավորարեւելյան եւ հյուսիսաֆրիկյան իրադարձությունների սցենարից` ԿԺԴՀ իշխանությունները ստեղծել են արագ արձագանքման հատուկ ստորաբաժանում՝ ցույցերի անցկացման ցանկացած փորձ կասեցնելու համար: